About the poet
Scottish poet and novelist Christine De Luca was born and raised in Shetland. She writes in both...
I could blame da wye da sea is smoothed
da steyns; da sylk o touch, da waelin, laevin;
an will da haert be dere whin I come back?
Or I could blame da saandiloo. He wis clear
whit wye ta geng: dis wye noo, nae luikin
owre your shooder. Tide dusna wait;
see da wye da swill o joy is drained.
Dance daday. Damoarn you slip
Or I could blame da hush at fills you
til you’re lik ta burst wi aa da wirds
at could be said but you hadd back.
Hit’s whit happens whan you step
in time, but sense a fault-line vimmerin
trowe you: dis side or dat?
Only da sea can greet an sing at da sam time:
shade an licht; cobalt, ultramarine an dan
da lönabrak – a tize, a frush o whicht.
from Dat Trickster Sun: Poems (Mariscat Press, 2014), © Christine De Luca 2014, used by permission of the author
Sponsor this poem
Would you like to sponsor this poem? Find out how here.